Uncategorized

ಚಿಂತನ.

೧. ಒಬ್ಬ ಗುರು ತನ್ನ ಶಿಷ್ಯರನ್ನು ಕರೆದು ಹೇಳಿದ ”ಈ ಲೋಕದಲ್ಲಿ
ಬದುಕಬೇಕಾದರೆ ೨ ಗುಣಗಳು ಅತ್ಯಗತ್ಯ. ಒಂದು, ದುರ್ಗಂಧವನ್ನು
ಸಹಿಸಿಕೊಳ್ಳುವುದು. ಎರಡು, ಎಲ್ಲವನ್ನೂ ಸೂಕ್ಷ್ಮವಾಗಿ ಅವಲೋಕಿಸುವುದು. ”
”ಸರಿ, ಗುರುಗಳೇ ” ಎಂದು ಶಿಷ್ಯರು ಕೂಗಿದರು. ಗುರುಗಳು ಶಿಷ್ಯರನ್ನು
ಪರೀಕ್ಷಿಸಲು ಮುಂದಾದರು. ತನ್ನ ತೋರು ಬೆರಳನ್ನು ದುರ್ಗಂಧ ಭರಿತ
ದ್ರಾವಣದಲ್ಲಿ ಮುಳುಗಿಸಿ ಮೂಗಿನ ಬಳಿ ತಂದು ಮೂಸಿದರು. ”ನೀವೂ
ಹೀಗೆಯೇ ಮಾಡಿ”ಎಂದರು. ಶಿಷ್ಯರು ಆ ಹೇಸಿಗೆಯ ದ್ರಾವಣದಲ್ಲಿ
ತೋರ್ಬೆರಳನ್ನು ಮುಳುಗಿಸಿದಂತೆ ನಟಿಸಿ ಅದೇ ಬೆರಳನ್ನು ಮೂಗಿನೆದುರು
ತಂದು, ”ಅಬ್ಬಬ್ಬಾ ದುರ್ವಾಸನೆಯೇ ” ಎಂದು ಸುಮ್ಮ ಸುಮ್ಮನೇ
ಉದ್ಗರಿಸತೊಡಗಿದರು. ಗುರುಗಳು ನಕ್ಕು ಹೇಳಿದರು, ”ನಿಮಗೆ ಇನ್ನೊಂದು
ಪರೀಕ್ಷೆ ಮಾಡುವ ಅಗತ್ಯವೇ ಇಲ್ಲ. ಏಕೆಂದರೆ, ನೀವು ದುರ್ಗಂಧದ
ದ್ರಾವಣದಲ್ಲಿ ಬೆರಳು ಮುಳುಗಿಸಲಿಲ್ಲ ಎಂಬ ಕಾರಣಕ್ಕಾಗಿ ಅಲ್ಲ.
ಸೂಕ್ಷ್ಮವಾಗಿ ಅವಲೋಕಿಸಲಿಲ್ಲ ಎಂಬ ಕಾರಣಕ್ಕಾಗಿ.” ಶಿಷ್ಯರಿಗೆ
ಅರ್ಥವಾಗಲಿಲ್ಲ. ಗುರುಗಳೇ ಹೇಳಿದರು ”ನಾನು ದುರ್ಗಂಧದ ದ್ರಾವಣಕ್ಕೆ
ಮುಳುಗಿಸಿದ್ದು ತೋರು ಬೆರಳನ್ನು. ಮೂಗಿನ ಬಳಿ ಹಿಡಿದದ್ದು
ಮಧ್ಯದ ಬೆರಳನ್ನು. ”
೨. ಯುವ ಜೀವನದ ಸಾರ್ಥಕತೆಗೆ ದಶ ಸೂತ್ರ ಗಳು —
೧. ಉತ್ಸಾಹಿಯಾಗು ಆದರೆ ದುಡುಕಬೇಡ.
೨. ಕರುಣೆ ತೋರಿಸು ಆದರೆ ಮೋಸಹೋಗಬೇಡ.
೩. ಶೂರನಾಗು ಆದರೆ ಕಟುಕನಾಗಬೇಡ.
೪. ದಾನಿಯಾಗು ಆದರೆ ದರಿದ್ರನಾಗಬೇಡ.
೫. ತ್ಯಾಗಿಯಾಗು ಆದರೆ ಕಾಡಿಗೆ ಹೋಗಬೇಡ.
೬. ಮಿತವ್ಯಯಮಾಡು. ಆದರೆ ಜಿಪುಣನಾಗಬೇಡ.
೭.ಮಧುರವಾಗಿರು ಆದರೆ ಗುಲಾಮನಾಗಬೇಡ.
೮.ಲಾಭ ಗಳಿಸು ಆದರೆ ಲೋಭಿಯಾಗಬೇಡ.
೯. ಸೇವೆಮಾಡು ಆದರೆ ಸ್ವಾರ್ಥಿಯಾಗಬೇಡ.
೩. ಜೀವನವನ್ನು ಹೇಗೆ ಸ್ವೀಕರಿಸುತ್ತಿ ಎಂಬುದಕ್ಕಿಂತ,
ಜೀವನವನ್ನು ಹೇಗೆ ರೂಪಿಸುತ್ತಿ ಎಂಬುದು ಮುಖ್ಯ.
೪.ಮೊಟ್ಟೆ ಎಸೆದರೆ ಅವಮರ್ಯಾದೆ. ಟೊಮೇಟೊ
ಹೊಡೆದರೆ ಪ್ರತಿಭಟನೆ. ಆದರೆ ರಥಕ್ಕೆ ಹೊಡೆದ ಲಿಂಬೆಹಣ್ಣು
ಮಾತ್ರ ಪೂಜೆ. ಅದು ಶರಬತ್ತಿಗೂ ಸರಿ . ಮೆಣಸಿನ ಜೊತೆ
ತೂಗಾಡಿಸಿದರೆ ದೃಷ್ಟಿ ನಿವಾರಕ. ರಸ್ತೆ ಮೇಲೆ ಇರಿಸಿ
ಮೇಲಿಂದ ಚಕ್ರ ಓಡಿಸಿದರೆ ವಾಹನಕ್ಕೆ ಮುಂದೆ
ಅಪಘಾತವಾಗದು. ಯಾವ ವಿಧದಲ್ಲಿ ತಾನು ಮುಗಿದು
ಹೋಗುತ್ತೇನೆಂಬ ಕಲ್ಪನೆ ಲಿಂಬೆಗಿಲ್ಲ. ”ಸಂಭವಿಸುವುದಕ್ಕೆ
ತೆರೆದುಕೋ ” ಎಂಬ ತತ್ತ್ವ ಲಿಂಬೆಯದು. —ಮಹಾಲಿಂಗ.
೫. ವ್ಯಾಪಾರಿಯೊಬ್ಬ ”ಇಲ್ಲಿ ಇಂಗು ಮಾರಾಟಕ್ಕಿದೆ” ಎಂದು
ನಾಮ ಫಲಕ ಹಾಕಿದ. ಒಬ್ಬ -”ಇಂಗು ಮಾರಾಟಕ್ಕಲ್ಲದೆ
ದಾನ ಕೊಡುತ್ತೀಯಾ? ಆ ಶಬ್ದ(ಮಾರಾಟಕ್ಕಿದೆ)ಅನಗತ್ಯ ”
ಎಂದನು. ಇನ್ನೊಬ್ಬ ”ಇಂಗು ಇಲ್ಲಿ ತೋರಿಸಿ ಮತ್ತೆಲ್ಲೋ
ಮಾರುತ್ತೀಯೇನು ?”ಇಲ್ಲಿ” ಶಬ್ದ ಬೇಡ ಎಂದನು. ಮತ್ತೊಬ್ಬ
” ವಾಸನೆಯಿಂದಲೇ ಇಂಗು ಎಂದು ತಿಳಿಯುತ್ತದೆ. ”ಇಂಗು ”
ಶಬ್ದ ಏಕೆ?” ಎಂದ. ಈ ಮೂವರ ಮಾತು ಕೇಳಿದ ವ್ಯಾಪಾರಿ
ನಾಮ ಫಲಕ ತೆಗೆದು ಹಾಕಿ ನಷ್ಟ ಅನುಭವಿಸಬೇಕಾಯಿತು.
ಮೂಲ :ಸಂಗ್ರಹ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s