Uncategorized

ಕನ್ನಡ ಸುಭಾಷಿತಗಳು.

೧. ಮಗನ ಯೋಗ್ಯತೆಯ ಅರಿವು ಅವನ ಮದುವೆಯ ನಂತರ.
ಮಗಳ ಯೋಗ್ಯತೆ ಅವಳ ಹರೆಯದ ವಯಸ್ಸಿನಲ್ಲಿ.
ಪತಿಯ ಯೋಗ್ಯತೆ ಹೆಂಡತಿಯ ಅನಾರೋಗ್ಯಾವಸ್ಥೆಯಲ್ಲಿ.
ಪತ್ನಿಯ ಯೋಗ್ಯತೆ ಗಂಡನ ಬಡತನಾವಸ್ಥೆಯಲ್ಲಿ.
ಗೆಳೆಯನ ಯೋಗ್ಯತೆ ಆಪತ್ಕಾಲದಲ್ಲಿ.
ಸೋದರನ ಯೋಗ್ಯತೆ ಜಗಳದ ಪ್ರಸಂಗದಲ್ಲಿ.
ಮಕ್ಕಳ ಯೋಗ್ಯತೆ ನಮ್ಮ ವೃದ್ಧಾಪ್ಯದಲ್ಲಿ ತಿಳಿಯುವುದು.
೨.ವಿಶಾಲವಾದ ಆಕಾಶವನ್ನು ಚಿಕ್ಕ ಕಣ್ಣಿನಲ್ಲೇ ನೋಡ ಬಹುದು.
ಆದರೆ ಒಂದು ಒಳ್ಳೆಯ ಹೃದಯವನ್ನು ನೋಡಬೇಕಾದರೆ
ನಮ್ಮ ಮನಸ್ಸು ವಿಶಾಲವಾಗಿರಬೇಕು.
೩. ಕ್ಷಣ ಕ್ಷಣಕ್ಕೂ ಬದಲಾಗುವುದು ಅಭಿಪ್ರಾಯ. ಯಾವ ಕ್ಷಣಕ್ಕೂ
ಬದಲಾಗದಿರುವುದು ನಿರ್ಧಾರ. ಆ ಕ್ಷಣಕ್ಕೆ ಸರಿಯಾಗಿ ಮಾತನಾಡುವುದು
ಅಭಿವ್ಯಕ್ತಿ. ಆ ಕ್ಷಣದ ಸರಿಯಾದ ಹೇಳಿಕೆಯೇ ತೀರ್ಮಾನ.
೪.ಕಡೇ ತನಕ ಮನುಷ್ಯನಿಗೆ ಪೂರ್ತಿ ಅರ್ಥವಾಗದೇ, ಪೂರ್ಣ ಉತ್ತರ
ಸಿಗದೇ ಉಳಿದು ಕೊಳ್ಳುತ್ತಲ್ಲಾ ,ಆ ಒಂದು ಪ್ರಶ್ನೆಯೇ ಜೀವನ.
೫. ದೊಡ್ಡೋರು ಹೇಳಿದ್ದು … ಉತ್ತಮರ ಕೋಪ ಕ್ಷಣಕಾಲ.
ಮಧ್ಯಮರ ಕೋಪ ಗಂಟೆ ಕಾಲ. ಅಧಮರ ಕೋಪ ದಿನವಿಡೀ ಇದ್ದರೆ
ದುರಾತ್ಮರ ಕೋಪ ಜೀವನ ಪರ್ಯಂತವಿರುತ್ತದೆ.
೬. ಅನುಮಾನ ಸುಳ್ಳಾಗಬಹುದು. ಆದರೆ ಅನುಭವ ಸುಳ್ಳಾಗಲಾರದು.
ಏಕೆಂದರೆ ಅನುಮಾನ ಕೇವಲ ನಮ್ಮ ಮನಸ್ಸಿನ ಕಲ್ಪನೆಯಾಗಿರುತ್ತದೆ.
ಅನುಭವ ಜೀವನದಲ್ಲಿ ನಿಜವಾಗಿ ಪಡೆದುಕೊಂಡಿರುತ್ತೇವೆ.
೭. ನಿಮ್ಮ ಹೃದಯ ಎನ್ನುವುದು ಸುಂದರ ನೆನಪುಗಳನ್ನು ತುಂಬಿಡ
ಬೇಕಾದ ಸಂಗ್ರಹಾಲಯವೇ ಹೊರತು ದ್ವೇಷ, ಅಸೂಯೆ ಗಳನ್ನು
ಎಸೆಯುವ ಕಸದ ಬುಟ್ಟಿಯಲ್ಲ.
೮. ಕೋಪ ಎನ್ನುವುದು ಬೆಂಕಿ ಕಡ್ಡಿ ಇದ್ದಂತೆ. ಹೇಗೆ ಬೆಂಕಿ ಕಡ್ಡಿ ಬೇರೆ
ವಸ್ತುವನ್ನು ಸುಡುವ ಮೊದಲು ತನ್ನನ್ನು ಸುಟ್ಟು ಕೊಳ್ಳುತ್ತದೋ
ಅದೇರೀತಿ ಕೋಪವು ಬೇರೆಯವರಿಗಿಂತ ಮೊದಲು ನಮಗೇ ಹಾನಿ
ಯುಂಟು ಮಾಡುತ್ತದೆ.
೯. ಬದುಕಿನ ಒಂದು ವಿಚಿತ್ರ ನಿಯಮ -ಪ್ರೀತಿಸುವುದೆಲ್ಲಾ ಸಿಗುವುದಾದರೆ
ಕಣ್ಣೀರಿಗೆ ಬೆಲೆ ಎಲ್ಲಿದೆ?ಸಿಗುವುದೆಲ್ಲವನ್ನೂ ಪ್ರೀತಿಸುವುದಾದರೆ ಕಣ್ಣೀರಿಗೆ
ಅವಕಾಶ ಎಲ್ಲಿದೆ ?
೧೦.ಈ ಜೀವನದಲ್ಲಿ ಎಲ್ಲವೂ ಭಯ ಭರಿತ, ವೈರಾಗ್ಯವೊಂದೇ ನಿರ್ಭಯ.
ಭೋಗದಲ್ಲಿ ರೋಗದ ಭಯ, ಸಂಪತ್ತಿನಲ್ಲಿ ದರೋಡೆಕೋರರ ಭಯ ,
ಸೌಂದರ್ಯದಲ್ಲಿ ಮುಪ್ಪಿನ ಭಯ,ದೇಹದಲ್ಲಿ ಮರಣದ ಭಯ, ಪಾಂಡಿತ್ಯದಲ್ಲಿ
ಸೋಲಿನ ಭಯ, ಶಕ್ತಿಯಿದ್ದಲ್ಲಿ ಶತ್ರುಗಳ ಭಯ.
೧೧. ನಿಜ ವೈರಿ ಹೊರಗಿಲ್ಲ … ನಮ್ಮೊಳಗೇ ಇಹನು. ಉಸಿರು ನಿಲ್ಲುವವರೆಗೆ
ಕಾಡುವವನಿವನು.
೧೨. ಜೊತೇಲೇ ಇದ್ದುಕೊಂಡು ಒಬ್ಬಂಟಿ ಮಾಡೋರ ಜೊತೆ ಇರೋದಕ್ಕಿಂತ
ಅಂಥವರ ಸಹವಾಸದಿಂದ ದೂರ ಆಗಿ ನಾವೇ ಒಬ್ಬಂಟಿಯಾಗಿರೋದು
ಉತ್ತಮ. ಕೊನೇ ಪಕ್ಷ ಕಣ್ಣೀರು ಹಾಕೋದಾದ್ರೂ ತಪ್ಪುತ್ತೆ.
೧೩.ಕೆಲವು ಸಂಬಂಧಗಳು ಮುರಿದು ಹೋಗಲು ಮುಖ್ಯವಾದ ಕಾರಣಗಳೆಂದರೆ
–ಒಬ್ಬರು ಸರಿಯಾಗಿ ಮಾತನಾಡದಿರುವುದು;ಇನ್ನೊಬ್ಬರು ಸರಿಯಾಗಿ ಅರ್ಥ
ಮಾಡಿಕೊಳ್ಳದಿರುವುದು.
೧೪. ಹೃದಯ ಎಲ್ಲರ ಬಳಿ ಇರಬಹುದು. ಆದರೆ ಎಲ್ಲರೂ ಹೃದಯವಂತರಾಗಿರಲ್ಲ.
೧೫.ನಮ್ಮ ಜೀವನದಲ್ಲಿ ಕೆಲವು ಮಂದಿ ಕೊಡುಗೆಯಾಗಿ ಬಂದರೆ,ಇನ್ನೂ ಹಲವರು
ಪಾಠವಾಗಿ ಬರುತ್ತಾರೆ.
ಮೂಲ:ಸಂಗ್ರಹ.

2 thoughts on “ಕನ್ನಡ ಸುಭಾಷಿತಗಳು.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s