Uncategorized

ಶ್ರೀ ಗಣೇಶ.

ganesh

ಗಣೇಶನ ಆಕಾರದ ಕಲ್ಪನೆ ತುಂಬಾ ಅದ್ಭುತವಾದುದು. ದೊಡ್ಡ
ತಲೆಯುಳ್ಳವರೆಂದರೆ ಬುದ್ಧಿವಂತರು. ಡೊಂಕಾದ ಸೊಂಡಿಲು
ಓಂಕಾರದ ಪ್ರತೀಕ. ಆತ ಶೂಪ ಕರ್ಣ. ಮೊರದಗಲ ಕಿವಿ ಆತನದು.
ಮೊರದಲ್ಲಿ ಧಾನ್ಯ ಗೇರಿದಾಗ ಜೊಳ್ಳು ದೂರವಾಗಿ ನೆಲ್ಲು ಮಾತ್ರ
ನಿಲ್ಲುವಂತೆ, ಹೊಗಳಿಕೆ -ತೆಗಳಿಕೆ ಬಂದಾಗ ಸತ್ಯಾಂಶವನ್ನು ಮಾತ್ರ
ಸ್ವೀಕರಿಸಬೇಕು ಎಂದು ಸೂಚಿಸುತ್ತಾನೆ.ಮಹಾಕಾಯನಾದ ಆತನ
ಡೊಳ್ಳು ಹೊಟ್ಟೆ ಬ್ರಹ್ಮಾಂಡದ ಸಂಕೇತ. ಆ ಲಂಬೋದರಕ್ಕೆ ಸುತ್ತಿ
ಕೊಂಡಿರುವ ಸರ್ಪ ಕುಂಡಲಿನೀ ಶಕ್ತಿಯ ಪ್ರತೀಕ. ಅವನ ಕೈಯಲ್ಲಿರುವ
ಪಾಶ – ಅಂಕುಶಗಳು ನಮ್ಮಲ್ಲಿರುವ ರಾಗ -ದ್ವೇಷಗಳನ್ನು ನಿಯಂತ್ರಿಸುವ
ಸಾಧನಗಳು. ಮೋದಕ ಪ್ರಿಯನ ಪೂಜೆಯಿಂದ ಮೋದ ಅಂದರೆ ಆನಂದ
ದೊರೆಯುತ್ತದೆ. ಮೂಷಕ ವಾಹನನಾದ ಗಣೇಶ, ನಾವು ಬೆಳೆಯುವ ದವಸ,
ಧಾನ್ಯಗಳನ್ನು ತಿಂದು ಹಾಳು ಮಾಡುವ ಇಲಿಯ ಮೇಲೆ ಸಂಪೂರ್ಣ ನಿಯಂತ್ರಣ
ಹೊಂದಿದ್ದಾನೆ. ಸೂಕ್ಷ್ಮ ದೃಷ್ಟಿ ಯುಳ್ಳವರಾಗಬೇಕೆಂದು ಅವನ ಚಿಕ್ಕ ಕಣ್ಣು
ಸಾರುತ್ತದೆ. ಸಿದ್ಧಿ -ಬುದ್ಧಿ ಆತನ ಪತ್ನಿಯರು. ಲಾಭ -ಕ್ಷೇಮ ಅವನ ಮಕ್ಕಳು.
ಗಣಪತಿಯ ಆರಾಧನೆಯಿಂದ ನಮಗೆ ಎಲ್ಲ ಕ್ಷೇತ್ರ ಗಳಲ್ಲೂ ಗೆಲುವು ಖಚಿತ.
ದೇವತೆಗಳಲ್ಲಿ ಅಗ್ರ ಪೂಜೆ ಇವನಿಗೆ ಸಲ್ಲುತ್ತದೆ. ಗಣೇಶನ ಪೂಜೆಯಲ್ಲಿ
ತುಳಸಿಯನ್ನು ಬಳಸ ಬಾರದು ಎಂಬ ಶಾಸ್ತ್ರದ ಮಾತುಂಟು. ಗಣಪತಿಯ
೨೧ ನಾಮಗಳನ್ನು ಹೇಳಿ ಒಂದೊಂದು ಹೆಸರಿಗೂ ಒಂದೊಂದು ಪತ್ರೆಯನ್ನು
ಅರ್ಪಿಸುವುದುಂಟು.
ರೈತರು ಇವನು ಮಣ್ಣಿನಿಂದ ಹುಟ್ಟಿದವನು ಆದ್ದರಿಂದ ನಮ್ಮ ಇಷ್ಟ ದೇವರು
ಎಂದು ಕೊಳ್ಳುತ್ತಾರೆ. ಪ್ರಜಾಪ್ರಭುತ್ವವಾದಿಗಳು ಗಣಾಧಿಪತಿ ಎಂದರೆ ಪ್ರಜೆಗಳಿಂದ
ಚುನಾಯಿತನಾದವ ಎಂದು ಅವನಲ್ಲಿ ಪ್ರಜಾಪ್ರಭುತ್ವದ ಅಂಕುರವನ್ನು ಕಾಣುತ್ತಾರೆ.
ಆತ ವಿದ್ಯಾಧಿದೇವತೆ.
ಹೇರಂಬ ಗಣಪತಿಯ ಪೂಜೆ ನೇಪಾಳದಲ್ಲಿ ತುಂಬಾ ಪ್ರಸಿದ್ಧ. ಉಚ್ಚಿಷ್ಟ ಗಣಪತಿಯ
ಉಪಾಸನೆ ತಂತ್ರ ಮಾರ್ಗದ ಅನುಯಾಯಿಗಳಲ್ಲಿ ರೂಢಿಯಲ್ಲಿದೆ.
ಮುದ್ಗಲ ಪುರಾಣದಲ್ಲಿ ಗಣಪತಿಯ ೩೨ ರೂಪಗಳ ವರ್ಣನೆಯಿದೆ:ಬಾಲ ಗಣಪತಿ,
ತರುಣ ಗಣಪತಿ, ಭಕ್ತ ಗಣಪತಿ,ವೀರ ಗಣಪತಿ,ಶಕ್ತಿ ಗಣಪತಿ,ದ್ವಿಜ ಗಣಪತಿ,ಸಿಧ್ಧ ಗಣಪತಿ,
ಉಚ್ಚಿಷ್ಟ ಗಣಪತಿ, ವಿಘ್ನ ಗಣಪತಿ, ಕ್ಷಿಪ್ರ ಗಣಪತಿ, ಹೇರಂಬ ಗಣಪತಿ, ಲಕ್ಷ್ಮೀ ಗಣಪತಿ,
ಮಹಾ ಗಣಪತಿ,ವಿಜಯ ಗಣಪತಿ,ನೃತ್ಯ ಗಣಪತಿ,ಊರ್ಧ್ವ ಗಣಪತಿ ,ಏಕಾಕ್ಷರ ಗಣಪತಿ,
ವರ ಗಣಪತಿ, ತ್ರ್ಯಕ್ಷರ ಗಣಪತಿ,ಕ್ಷಿಪ್ರ ಪ್ರಸಾದ ಗಣಪತಿ,ಹರಿದ್ರಾ ಗಣಪತಿ,ಏಕದಂತ ಗಣಪತಿ,
ಸೃಷ್ಟಿ ಗಣಪತಿ,ಉದ್ದಂಡ ಗಣಪತಿ,ಋಣ ಮೋಚನ ಗಣಪತಿ,ಢುಂಢಿ ಗಣಪತಿ,ದ್ವಿಮುಖ
ಗಣಪತಿ,ತ್ರಿಮುಖ ಗಣಪತಿ,ಸಿಂಹ ಗಣಪತಿ,ಯೋಗ ಗಣಪತಿ,ದುರ್ಗಾ ಗಣಪತಿ, ಸಂಕಷ್ಟ ಹರ
ಗಣಪತಿ.
ಮೂಲ:ಸಂಗ್ರಹ.

3 thoughts on “ಶ್ರೀ ಗಣೇಶ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s